مسجات عراقيه

موضوع: مسجات عراقيه 8/21/2011, 16:55

يسعد صباحك يانور القلب و الناظر … يسعد صباحك ياعطر الورد متناثر … يسعد صباحك ويسعد قلبك الطاهر … والله اعزك معزة مالهااخر

صب عالكَلب تيزاب صب عاشت ايدك
صب كَلبي حيل وياه هو اليريدك

تعال احسب بهمي عده انته
وگلبي شعده غيرك عده انته
ازعل الناس كلهه عده انته
¤¤لأن زعلك يزعلني عليه¤¤

سكنت قلبي سكنت عقلي سكنت فكري سكنت روحي وين اجار اخر شهر

لاتصفن ترة تنزف الصفنات وجرح الصفنة ماعاش الليضمدة شوف السدة رغم تعارض الماي بس الماي ضل شابك السدة

موكلشي اصفر ذهب لتقشمرك لمعاتة والناس مو كلهة سوة كلمن حليبة وذاتة

عراق لياوكت للضيف تشعل نار وبهدومك تطب لو جاع خطارك امس جارك سكت بلجذب مامر بيك وتنصب حزن من ينجرح جارك

موصوجك انته الصوج كله من اديه
سويتلك " مس كول " تفتح عليه

لو گلبي عافك يوم سويته " تكه "
و ( للمكتب استدعاء بالبطة اصكة )

صوم وصلاه نيشان بالگصة راسم
ولو تسأل التاريخ يطلع " حواسم "

بين الگلب والروح اهنا اخليك
واكتب " خطر ممنوع " محد يمر بيك

الدهر بس وياي عالنهه حربه
مو طلقة حط بالروح حط بيهه " بمبه"

أني جيتك أعتذر رغم الجروح
وجرحك إنت بكلبي خلة أكبر أثر
أني من أعتذر مو يعني إنحنيت
جيت أحرجك حته ما تلكة عذر

لأن طبع اليحب معروف عند الناس
صافن والحچي كله ابصفنته
مو هيچ اليحب كَلب اليحب ولهان
ولا كَلب اليحب هم هيچ دكَته