قوآنيـن عـآلـم آدم

موضوع: قوآنيـن عـآلـم آدم 6/6/2011, 16:49

مساء الخيرات عالشباب زلم و صبايا

حبيت اليوم أحجي بكم موضوع يخص
قسمنة و سياسته و توجّهه و اللي كلنا نطمح أن يكون من أكثر أقسام المنتدى
تمّيز شلون ما هو واقعاً ديصير هسّة ...بالأضافة لأن نستفاد من لمّتنة
الحلوة الأستفادة القصوى..

و رح أخلّي كلامي على شكل نقاط.

(الحـــــــرية الشخصية و
حــــرية التعبير حق مكفول لكل الشباب زلم و بنات بالقسم و لا يجوز التعرض
تحت أي عذر لما يؤمن أو يعتقد أو يتصرف (سلوك و أفعال) عضو آخر ، القسم
بيتنا الكبير والكل اله الحق بالتعبير عن اللي يريده و ياخذ رأي أخوانه بأي
أي موضوع يريده)

1- لتقريب الأواصر بين الشباب أتمنى من
الكل اللي عنده مناسبة (رواد القسم أقصد فقط ، مو اللي ما شايفيهم بالقسم
قبل) : نجاح ، عيدميلاد ، شفاء ،زواج (ولو أشك أحد رح يتزوج بيكم حاليا هع )
أو اي مناسبة أخرى ..أن يشاركنا بيها و نحتفل كلنا بيها بموضوع يتثبّت
....واللي يدري بأي مناسبة تخص عضو من القسم أن ينطيني خبر بيها حتى ننزل
اله احتفاليه او هو ينزّلها لصديقه ونحنة نثبّتها اله.

2- الحمدلله هالشي ما موجود بس أي تجاوز
أحد يشوفه و يعتقد أن هالتجاوز اثّر عليه أو بعضو و نفسيته أن ينطينا خبر
حتى نحذف هالتجاوز...أكيد أنا وانس متابعين كل الردود بالقسم ...بس سبحان
الله كلشي يصير.

3- قسمنا قسم مفتوح لكل المشاركات والردود و فلترة ما عدنه عدا عالتجاوزات أو الكلام اللي ما ينحجي بالعالم الـ 3D.

4- البنات بقسمنا حالهم من حال الشباب بالقسم ...لأن هذا هو منتدى الأسرة أوّل و اخير...فأتمنى من الكل تفّهم هالشي.

5-أي عضو يحب ينّزل موضوع و متردد بيه
...فخلّي يشيل هالتردد لأن شلون ما كلت ما عدنا اي قيود بنقاشنا و مواضيعنا
عدا ما ذكرت..وخلّي يبعثه الموضوع الي برسالة و انشالله بعد ما أتأكّد أن
ما بيه أي اشكال ينزله و نتابع الموضوع.

6- أي أقتراحات أو آراء لتطوير القسم وأرتقاءه تكون دائما موضوع ترحيب شنو ما كانت....وأكيد تكدرون تبعثوها الي بمسج.

7- أي نوع مسابقات تحبّوا تسووه بالقسم ...تكدرون تبعثون الفكرة لـ آنيـن القلـب

8- نتمنى ما تنسون أن حد كل عضو هو
موضوعين بكل قسم (سياسة المنتدى)...لأن بالآونة الاخيرة دأشوف تجاوزات صارت
بهالخصوص. (طبعا ممكن تنزيل موضوعين بقسم الزلم العام و موضوعين بقسم
الاناقة و موضوعين بقسم صحة الزلم).

9- مواضيع النقاش الصريح هي موضع ترحيب ويكدر العضو ينطيني خبر بيه قبل ما ينزله.

10- اللي ينزّل موضوع بقسم معيّن و يشوف الموضوع مهم و يمكن أن يدرج تحت مفهوم قسم الزلم فلا يتردد ينزله مرة ثانية يمنة...

11- المواضيع الدينية و السياسية والمواعظ و الخطب و المحاضرات ممنوعة بالقسم (هالقسم أبوابه مفتوحة لكل الأعضاء بمختلف مفاهيمهم وأعتقاداتهم الدينية والسياسية والعلمانية).

12- نتمنى التركيز على المواضيع اللي تتناول تنمية قدرات و
شخصية الشاب او الشابة العراقية بالأضافة لمشاكل اللي يواجهها و النصائح العامة الممكن توجيهها للشباب.وكذلك أي أمور تتناول عمله أو دراسته وسبل تطويرهم

13- نتمنى من
الكل الكلام الصريح و الخروج عن المثاليات والتكّلم باللي يعيشه واللي يحس
بيه واللي يعتقده بدون أي تحرج أو احكام مسبقة لأن سبب وجودنا هنا هو
خروجنا من مجتمع هواية أمور نرفضها بيه ....ومحّد اله الحق بأصدار أي أحكام
على تصّرفات أو أعمال أو آراء غيره.

أنشالله ما نكون طوّلنا عليكم.

وألف هلا بيكم بقسمكم