اعتصام اطباء المدائن

اعتصام اطباء ومنتسبي مستشفى المدائن العام اثمر عن اقالة مديرهم. الذي يتهمونه بالفساد الاخلاقي وسوء التعامل مع الموظفين.

طبيب معتصم:
(احنا اللي اثارتنا اكثر ، كل الشغلات تجاوزناها ونمشيها ونعتبرها مشاكل عمل ، بس هذه ما نكدر نتساهل وياه وانه بحضور اطباء واخرين بالادارة اساء للطبيبات بكلام فاحش).

ممرضة معتصمة :
( عندي وفاة جانت ، وعندي فاتحة بالبيت مالتنه ، غياب وقطع راتب واني عندي شهادة وفاة ، يكول السكرتير شنو هذه ، شني جبتيها من مريدي).

ولم يقتصر الأمر عند ذلك، فالغضب انهال على راس مدير المستشفى وتضمنت التهم الموجهة اليه كلاما عن فساد اداري

موظف معتصم :
( ناس نائمة بالبيت وبصمتهم موجودة واني عندي ورق ، اكو ناس ما مداومة واسامي موجودة ما طالعة واكو ناس تجي عندها ظروف قاهرة وما يستقبلها).

صيدلاني معتصم :
( تأخير عمليات شراء الادوية وفرض علينا مكاتب خاصة نروح نشتري من عندها).

وبغياب الطرف الذي أقيم ضده الاعتصام ، جاء قرار تنحيه دون ان يلجأ لتبرير موقفه

قائم مقام قضاء المدائن :
(تم الاتفاق مع السيد مدير مستشفى المدائن ، الرجل قبل الحيف ان يقع على عاتقه وطلب باعفائه).

وفي حين تكرر سيناريو اعتصام الملاكات الطبية لاكثر من مرة فان هذه الحالة قد لايجب عن تقف عند تقديم مدير المستشفى استقالته خاصة وان الشكاوى تضمنت تهم فساد وسب وقذف.